പട്ടച്ചരടിന്നറ്റത്തു
കുഞ്ഞികൈകൾ കരയുന്നു
കുട്ടൻ നോക്കി മേലോട്ട്
കുട്ടിയുമങ്ങനെ മേലോട്ട്
ഒത്തു പിടിച്ചു വലിച്ചു രസിച്ചവർ
ഒത്തിരി ഒത്തിരി ഓർമ്മകളായി
പള്ളിക്കൂടം കണ്ടുമടുത്തൊരു
പുസ്തകതാളുകൾ കീറിയെടുത്തു
അച്ഛൻ കണ്ണുകളമ്മക്കണ്ണുകൾ
കാണാതോരോ പട്ടങ്ങൾ
വാനിലുയർത്തിപ്പാറിനടന്നു
പൊട്ടിയ പട്ടച്ചരടുകൾ തേടി
പാടവരംബത്തൂടോടി നടന്നു
പെയ്യാൻ നില്ക്കും മഴമേഘങ്ങൾ
കണ്ടു കഴിഞ്ഞാൽ വീടെത്തും
കൈയിൽ കരുതിയ കടലാസിൽ
കളി വഞ്ചികളൊഴുകി പാടത്ത്
അച്ഛൻ കണ്ണുകളമ്മക്കണ്ണുകൾ
വരവും കാത്തവർ
പടിവാതിൽക്കൽ
കാലിൽ ചെളിയും മെയ്യിൽ
ചെളിയും പൂണ്ടു പുതഞ്ഞൊരു
വരവാണേ...
ഓടിച്ചിട്ടടി വീടിനു ചുറ്റും
ഓടിക്കയറാൻ മാവുണ്ടേ.....
പണ്ട് പറത്തിയ പട്ടങ്ങൾ
ഓർത്തൂ... കുട്ടൻ മാനത്ത്
ആർത്തു ചിരിച്ചു നടന്നവരങ്ങനെ
ഓർത്തു നടന്നൂ.. ബാല്ല്യങ്ങൾ
Liju Vazhappally
