ചന്ദനമണമുള്ള ചെമ്പകപൂവേ...
ചന്ദ്രിക ചാലിച്ച വെണ്ണിലാവേ..
ഇന്നെന്റെ മന്ദാരവനികയിൽ
നീയൊരു സുന്ദര രാഗമായി
വിടർന്നുവെങ്കിൽ..... എന്നിൽ
നിറഞ്ഞുവെങ്കിൽ.
ഈറനുടുത്ത് നീ.. അമ്പലം ചുറ്റുമ്പോൾ
ദേവകുമാരിയെപ്പോൽ ദേവീ....
ദേവകുമാരിയെപ്പോൽ
പൂജിച്ചു നിന്നെ ഞാൻ
പുണ്യാഹ തീർത്ഥമായി (2)
തങ്കത്തളികയിൽ ഒരുക്കിവെച്ചു
എന്നിൽ ഒളിച്ചു വെച്ചു.
മാനത്തെ മണിയറ വാതിൽ തുറന്നു നീ
ദേവ കന്യകയെപ്പോൽ ദേവീ..
ദേവ കന്യകയെപ്പോൽ
നേദിച്ചു നീയെനിക്കീ..
പ്രേമ പുഷ്പങ്ങൾ (2)
പൂവിട്ടു വീണ്ടും പുതുവസന്തം
നിന്നിൽ പുതുവസന്തം
ചന്ദനമണമുള്ള ചെമ്പകപൂവേ...
ചന്ദ്രിക ചാലിച്ച വെണ്ണിലാവേ..
ഇന്നെന്റെ മന്ദാരവനികയിൽ
നീയൊരു സുന്ദര രാഗമായി
വിടർന്നുവെങ്കിൽ..... എന്നിൽ
നിറഞ്ഞുവെങ്കിൽ.
by
Liju Vazhappally
by
Liju Vazhappally
