കളിക്കൂട്ടുകാരി

മറക്കാതിരുന്നെങ്കിൽ  കൂട്ടുകാരി..
എന്നും അരികത്തിരുന്നെങ്കിൽ കൂട്ടുകാരി..(2)
നീ..മഴയായി പെയ്തിരുന്നെങ്കിൽ....
മധുരമാം മാമ്പഴ കാലം...യെൻ
മനസ്സിൽ മഷിത്തണ്ട്‌ പ്രായം നീ...
മറക്കാതിരുന്നെങ്കിൽ  കൂട്ടുകാരി..

കരിമഷിക്കണ്ണിൽ കവിതയുമായെന്റെ
അരികത്ത് നില്ക്കുന്ന കുടമുല്ലപ്പൂവേ.... (2)
കതിർ വയൽ പൂക്കുമാ...
കടവത്ത് കണ്ടു ഞാൻ
കടമിഴിക്കണ്ണിലേ..തേൻ കിനാവ്‌....
ഹേമന്ത രാവുകൾ എത്ര കൊഴിഞ്ഞാലും
വാടാത്ത മധുമാസ ചന്ദ്രിക നീ...
നിൻ ചിരി മുത്തുകൾ...
വാരിയെടുത്ത് ഞാൻ
ഹൃദയത്തിൻ മണിവീണ മീട്ടിയെന്നും.
സഖീ....മീട്ടിയെന്നും.                                      (മറക്കാതിരുന്നെങ്കിൽ)
                                                                                                                           
അന്നെന്റെ കൈപിടിച്ചോടിയ നാളുകൾ
പെയ്തൊഴിയാത്തൊരു,മഴയോർമ്മയായി.... (2)
കൈവളപ്പൊട്ടുകൾ..
ഉടയാതെ നീയെന്റെ..
കവിളത്ത് തന്നൊരു മധുരരാഗം....
ആമലർ തോണി നാമെത്ര തുഴഞ്ഞന്ന്
അക്കരെയിക്കരെ യാത്ര പോയി
താമരത്തണ്ടിനാൽ..
മാല കൊരുത്ത് നാം
ഓരോ ദലങ്ങളിൽ കൂടുകൂട്ടി
സഖീ കൂടുകൂട്ടി                                            

മറക്കാതിരുന്നെങ്കിൽ  കൂട്ടുകാരി..
എന്നും അരികത്തിരുന്നെങ്കിൽ കൂട്ടുകാരി.
നീ..മഴയായി പെയ്തിരുന്നെങ്കിൽ....
മധുരമാം മാമ്പഴ കാലം....യെൻ
മനസ്സിൽ മഷിത്തണ്ട്‌ പ്രായം നീ...            
മറക്കാതിരുന്നെങ്കിൽ  കൂട്ടുകാരി..

by
Liju Vazhappally    

by
Liju Vazhappally