ലളിത ഗാനം

പൊന്നാര്യൻ പാടത്തെ കുഞ്ഞിതത്തമ്മേ...
ഇന്നെന്റെ തേന്മാവിൽ ഊഞ്ഞാലാടാൻ വാ...
പുന്നെല്ലിൻ ചോറുണ്ടേ....
പൊന്നാതിരയുണ്ടേ...
പൊന്നോണക്കോടിയുടുത്തിട്ടെന്തേ..പോരാത്തേ..
നീയെന്തേ..പോരാത്തേ..                                                   (പൊന്നാര്യൻ)
                                                         
കൈതോലപ്പൂക്കളിറുത്തൊരു കുഞ്ഞിക്കാറ്റേ..
തെക്കെന്നം പാടി നടന്നൊരു പൂമാരൻ വന്നേ...(2)
തളിർ വെറ്റില ചെല്ലം തന്നീടാം
പൊന്നാവണി മെത്തയൊരുക്കീടാം
എൻ കിന്നര വീണത്തംബുരുമീട്ടിപ്പാടിയുറക്കീടാം. (പൊന്നാര്യൻ)
                                                             
മാനത്തൊരു വെള്ളിനിലാവ്
മഴവില്ലിൻ ഏഴുനിറങ്ങൾ
മന്ദാരം പൂത്തതു പോലൊരു
മഞ്ചാടിക്കുന്ന്....  (2)
കന്നിക്കതിരുലയുന്നുണ്ടേ..
ചിങ്ങപ്പൂ..കൊഴിയുന്നുണ്ടേ..
ഉണ്ണിക്കൈ കോടിയുടുത്തൊരു പൂക്കളമിട്ടിന്ന്. (പൊന്നാര്യൻ)
                                                       

Liju Vazhappally