ഹൃദയത്തിൽ സൂക്ഷിച്ചാൽ മാത്രം പോരാ...

                                                            


* ജന്മം തന്നതുകൊണ്ടൊരിക്കലും അച്ഛനാകില്ലാ.
   പ്രസവിച്ചതുകൊണ്ടൊരിക്കലും അമ്മയുമാകില്ലാ.ചെയ്യേണ്ട കർമ്മങ്ങൾ
   ചെയ്യേണ്ട സമയത്ത് ചെയ്യുക.ഇത് കണ്ട് വേണം മക്കൾ    പഠിക്കാൻ.     
  
*മക്കളെ ചെറുപ്പത്തിലേ കാര്യങ്ങൾ പറഞ്ഞു മനസ്സിലാക്കി വളർത്തുക.    
  രോഗം വന്നിട്ട് ചികിത്സിക്കുന്നതിലും നല്ലത് രോഗം വരാതെ നോക്കുന്നതല്ലേ.

 *അനാവശ്യ കാര്യങ്ങൾക്ക് വാശിപിടിച്ച് മക്കൾ കരയുമ്പോൾ പറഞ്ഞു    മനസ്സിലാക്കുക.അല്ലെങ്കിൽ ചെറുപ്പത്തിലുള്ള ഈ ശീലം പിന്നീട് കഴുത്തിന്‌  കത്തിവെച്ചിട്ടായിരിക്കും  തുടരുക.

 *മക്കളുടെ മുന്നിൽ വെച്ച് ചീത്ത പറഞ്ഞും,അവരവരുടെ കഴിവു     കേടുകളും, പിന്നാമ്പുറക്കഥകളും വിളിച്ച് പറഞ്ഞ് വഴക്കുണ്ടാക്കുന്ന
  അച്ഛനമ്മമാരെ സ്ത്രദ്ധിക്കുക.നാളെ    മക്കൾ വളർന്ന് വരുമ്പോൾ അവർക്ക്       ജയിക്കാനായി ഈ പറഞ്ഞ വാക്കുകൾ നിങ്ങൾക്ക് നേരെയുള്ള  ആയുധമാകാം. 
       
*പ്രണയിച്ച് വീട്ടുകാരുടെ സമ്മതമില്ലാതെ ജീവിക്കുന്ന കമിതാക്കളെ      ഒന്നോർക്കുക.നിങ്ങളുടെ മക്കൾ നാളെയിതാവർത്തിച്ചാൽ വിഷമിക്കരുത്. 
  
*മക്കൾക്ക്‌ പഠിക്കാൻ ബുക്കും പേനയും പെൻസിലുമൊക്കെയാണ്    ആവശ്യം.അല്ലാതെ ബൈക്കും മൊബൈലുമല്ലാ.     
          
*ബലം പ്രയോഗിച്ചും ഭീഷണിപ്പെടുത്തിയും ഒന്നും നേടിയെടുക്കാൻ    ശ്രമിക്കരുത്.അങ്ങനെ നേടിയെടുക്കുന്നതിന് ആയുസ്സ് കുറവായിരിക്കും.
          
*വീട്ടിൽ നടക്കുന്ന ചെറിയ ചെറിയ വഴക്കുകളും പരിഭവങ്ങളും    അയൽക്കാരുമായും ബന്ധുക്കളുമായി പങ്കു വെയ്ക്കരുത്.
 വീട്ടിലുള്ളവരുമായി സംസാരിച്ചു തീർക്കുക.

*ഒരു പരിധിയിൽ കൂടുതൽ ആരെയും ബുദ്ധിമുട്ടിക്കരുത്.

* ഉപദേശിക്കാൻ എല്ലാവർക്കും സാധിക്കും.പക്ഷെ അതു പ്രവർത്തിയിൽ    കൊണ്ടുവരാൻ ആരും  ശ്രമിക്കാറില്ല.       
  
*വിശക്കുന്നവന് ഒരു നേരത്തെ ആഹാരം കൊടുക്കാതെ.  പാപപരിഹാരത്തിനായി കപട സന്ന്യാസികൾക്കും,അന്ധമായ
 ആചാരങ്ങൾക്കും ലക്ഷങ്ങൾ  ചിലവാക്കിയിട്ടൊരു കാര്യവുമില്ലാ.
               
* ജീവിതം ഒന്നേയുള്ളൂ ആസ്വദിച്ച് ജീവിക്കുക.പക്ഷെ മറ്റുള്ളവരെ    വേദനിപ്പിച്ചും,ബുദ്ധിമുട്ടിച്ചും  ജീവിതം ആസ്വദിക്കരുത്.  
     
     
*ബന്ധുക്കളേക്കാൾ എപ്പോഴും ഉപകാരപ്രദം  നല്ല സുഹൃത്തുക്കളായിരിക്കും.
        
* ഞാൻ എല്ലാം തികഞ്ഞവനാണെന്നും. എന്നേക്കാൾ കേമൻ വേറെ ആരുമില്ലാ     എന്ന.ഞാനെന്ന  ഭാവം മാറ്റുക.
                 
* അറിവ് പകർന്ന് തരുന്നത് ഒരു കൊച്ചു കുട്ടിയാണെങ്കിലും
   അഗീകരിക്കാനുള്ള    മനസ്സുണ്ടാകണം. 
    
 * മനുഷനെ മനുഷനായി കണ്ടാൽ ദൈവത്തെ നേരിൽ കാണാം.

* കളിയാക്കുന്നവരുടെ മുന്നിൽ അഭിമാനത്തോടെ ജീവിച്ച് കാണിക്കുക.കാലം    ഇവരെയെല്ലാം നിങ്ങളുടെ അടുത്തെത്തിക്കും.മധുരമായ ഒരു പ്രതികാരം.
               
* കഷ്ട്ടപ്പെടാനൊരു മനസ്സും,ആ മനസ്സ് നിറയെ ആഗ്രഹങ്ങളുമുണ്ടെങ്കിൽ      ജീവിതത്തിൽ  പലതും നേടിയെടുക്കാൻ  സാധിക്കും.
      
* എല്ലാവർക്കും ഒരു സുവർണ്ണ കാലഘട്ടം ഉണ്ടായിരിക്കും.ആ കാലത്ത് വീണ്ടു വിചാരമില്ലാതെ പല കാര്യങ്ങളും ചെയ്തുകൂട്ടും.വാർദ്ധക്ക്യ കാലത്ത് ചെയ്ത കാര്യങ്ങളെക്കുറിച്ചും പറഞ്ഞ കാര്യങ്ങളെക്കുറിച്ചുമോർത്ത് ദുഖിച്ചിരിക്കും.  
                  
* ആയുസ്സ് തീരാറായി എന്നൊരു ബോധം വരുമ്പോൾ എല്ലാവരും വിവേക    ശാലികളാകും.അതിനു മുൻപ് ചെയ്യുന്ന കാര്യങ്ങളെക്കുറിച്ചും,പറയുന്ന  കാര്യങ്ങളെക്കുറിച്ചും ഒരു ബോധവും കാണില്ലാ.
                
* അതിര് കവിഞ്ഞ് സ്നേഹം പ്രകടിപ്പിക്കുന്നത് കണ്ടാൽ മനസ്സിൽ    കുറിയ്ക്കുക.അത് കാര്യം സാധിക്കാൻ വേണ്ടി മാത്രമുള്ളതായിരിക്കും.
  
* എന്നെ കണ്ടു പഠിക്കണമെന്ന് സ്വന്തം മക്കളോട് എത്ര മാതാപിതാക്കൾ    പറയും.അങ്ങനെ പറയാനൊരു ധൈര്യം കാണിച്ചാൽ മക്കളുടെ മുന്നിൽ  എല്ലാകാലവും തല കുനിക്കേണ്ടി വരില്ലാ.
    
* മനുഷ്യർ ജീവിച്ചിരിക്കുമ്പോൾ അവർക്ക് ആവശ്യമായ കാര്യങ്ങൾ ചെയ്തു കൊടുക്കുക.മരിച്ച് കഴിഞ്ഞിട്ട് ചങ്കത്തടിച്ച് നിലവിളിച്ചിട്ടോ,ആർഭാടം കാണിച്ചിട്ടോ ഒരു കാര്യവുമില്ലാ.
            
*കൂടെ നില്ക്കുന്നവരെ ചവിട്ടിത്താഴ്ത്തി സ്ഥാനമാനങ്ങൾ നേടിയെടുക്കരുത്
കഴിവുണ്ടെങ്കിൽ ഇതെല്ലാം നിങ്ങളെ തേടിയെത്തും.  
     
*തിരിച്ചു കിട്ടുമെന്ന് പ്രതീക്ഷിച്ച് ആരെയും സഹായിക്കരുത്.

* മക്കളെ സ്നേഹിക്കരുത്,ലാളിക്കരുത് എന്നു ഞാൻ പറയില്ലാ.പക്ഷെ അത്    തിരിച്ചു കിട്ടുമെന്ന് പ്രതീക്ഷിക്കരുത്.
     
 * മാതാപിതാക്കൾ ഒരു മുൻകരുതൽ എന്ന പോലെ കാര്യങ്ങൾ ചെയ്തു    വെയ്ക്കുക.അവസാന കാലത്ത്  മക്കൾ
 തിരിഞ്ഞു നോക്കാതെ വന്നാൽ കഷ്ട്ടപ്പെടേണ്ടി വരില്ലാ.
     
* ഒരു ദിവസം ഒരു പ്രാവശ്യമെങ്കിലും മരണത്തെപ്പറ്റി ചിന്തിക്കുക.മനസ്സും    ശരീരവും ശാന്തമാകും.
   
* ഒരു കുടുംബം നന്നായാൽ ഒരു സമൂഹം നന്നാകും.സമൂഹം നന്നായാൽ നാട്  നന്നാകും.നാട് നന്നായാൽ രാജ്യം നന്നാകും.
     
     
  by 
 Liju Vazhappally