മലയാളമേ.. മലയാളമേ...
മനതാരിലുണരുന്നൊരനുരാഗമേ..
ഒരു കുഞ്ഞു പൈതലായി നിൻ
മടിത്തട്ടിൽ പുതിയൊരുഷസിൻ
മണിമുത്ത് പോൽ
പൂനിലാ... പാലൂട്ടി പാടിയുറക്കി നീ
നെഞ്ചോടു ചേർത്തൊരു താരാട്ട് പാട്ടുമായി
തേനും വയമ്പുമായി ചാലിച്ചു നീയെന്റെ
നാവിൽ കുറിച്ചൊരാദ്യാക്ഷരങ്ങൾ
ഒന്നാണ്ദൈവവും ഒന്നാണ് ജാതിയും
ഒന്നാണ് നമ്മളെന്നാദ്യം പഠിപ്പിച്ചു
സുന്ദരമാമെന്റെ മലയാളമേ...
വീണ്ടും പിറക്കുവാനീമടിത്തട്ടിൽ
മോഹമാണെനിക്കെന്നുമെന്നും.
മധുരമീ ഭാഷയെൻ നാവിൽ പകർന്നതും
മധുരമാം മലയാള മണ്ണിൽ പിറന്നതും
സുകൃതമായി കണ്ടു ഞാനെന്നും സ്മരിക്കുന്നു
അറിയുക മലയാള നാടിനെ നാം
അറിയുക മഹിമയും സംസ്ക്കാരവും
Liju Vazhappally
No comments:
Post a Comment