അച്ഛൻ

എരിയുന്ന ചിതയിലെന്റെച്ഛൻ
നിറയുന്ന കണ്ണുകൾ സാക്ഷി.
പകയുണ്ട് ചിരിയുണ്ട് ചുറ്റും
കൂടി നിന്നവർക്കുളൊരു കണ്ണിൽ.
മണ്ണിനുവേണ്ടിപ്പിരിഞ്ഞവർ
ബന്ധുക്കളാണിവരെല്ലാം..
പകൽ പോലെ സത്യമീ വാക്കുകൾ
ഇന്ന് നിറയുമെൻ  കണ്ണുകൾ സാക്ഷി. (2)

നേർവഴി കാട്ടിയെന്റെച്ഛൻ
നേരും നെറിയുള്ളൊരച്ഛൻ.
അമ്മയ്ക്ക് തണലായി അച്ഛൻ
ഉണ്ണിക്ക് തുണയായി അച്ഛൻ   (2)        
       
ഒന്നായി വളരുവാൻ ആദ്യം പഠിപ്പിച്ചു-
ഒന്നിച്ച് കൂടുവാൻ പിന്നെ-
അമ്മയായി,ചേട്ടനായി
ചേച്ചിയായി കാണുവാൻ
ഒന്നിച്ചു കൂടുവാൻ പിന്നെ.(2)
കണ്ണിന് കൗതുകമാണിതെന്നും
ഉണ്ണിക്കീയച്ഛനും നാളുകളും.

വാത്സല്ല്യ നിധിയാണെന്റെച്ഛൻ
ഓമനച്ചേലുള്ളൊരച്ഛൻ.
ഓരോ കഥകൾ പറഞ്ഞ് തന്നു,
ഓരോ ചുവടുകൾ വെച്ചു കൂടേ ...(2)

കൈപിടിച്ചെന്നെ വഴി നടത്തിയെന്നും
കാണുന്നതൊക്കെയും വാങ്ങി
 അന്തിക്കൊരബിളി മാമനും മാവിലെ
അണ്ണാറക്കണ്ണനും കൂട്ടിനുണ്ടേ..
പാടിയ പാട്ടവർ ഏറ്റുപാടി(2)
കണ്ണിന് കൗതുകമാണിതെന്നും
ഉണ്ണിക്കീയച്ഛനും നാളുകളും

ഓണനിലാവുകൾ വന്നുപോയി
ഓരോ വിഷു പക്ഷി വന്നുപോയി.
തുമ്പയും തെച്ചിയും പൂവുകൾ
കൊണ്ടൊരു പൂക്കളമിട്ടെന്റെയച്ഛൻ (2)

ഉണ്ണിക്കിരുന്നാടാൻ പൊന്നൂഞ്ഞാല്
ഉണ്ണിക്കുടുക്കുവാൻ പൊൻകസവ്
എന്നും സമൃദ്ധിയും ഐശ്വരൃ നാളുകൾ
വന്ന് നിറയുവാനെന്റെയച്ഛൻ
കൈയിൽ തരുന്നൊരു കൈനീട്ടവും    (2)
കണ്ണിന് കൗതുകമാണിതെന്നും
ഉണ്ണിക്കീയച്ഛനും നാളുകളും.

കാലമെനിക്കൊരു കൗമാരവും
യൗവനവും തന്ന് പോയി.
കണ്ടില്ല ഞാനെന്റെയച്ഛനെ
കണ്ടാലറിയില്ലെനിക്കന്ന് മിന്നും (2)
കെട്ടിയതാലിയും പൊട്ടിച്ചെടുത്തെങ്ങോ..
വേറൊരു വേളിക്ക് കൂട്ടുപോയി
കണ്ടില്ല ഞാനെന്റെയച്ഛനെ,
കണ്ടാലറിയില്ലെനിക്കന്ന് മിന്നും

അമ്മയ്ക്കു  തണലായൊരച്ഛൻ
ഉണ്ണിക്കു തുണയായൊരച്ഛൻ (2)
അമ്മയ്ക്കു കൂടെപ്പിറന്നതാണേ..
ഒന്നിച്ച് കൂടുവാൻ പിന്നെ,
അച്ഛനായി കാണുവാൻ ചൊല്ലി.
എരിയുന്ന ചിതയിലെന്റെച്ഛൻ
നിറയുന്ന കണ്ണുകൾ സാക്ഷി.

N .B
ജന്മം തന്നതു കൊണ്ടൊരിക്കലും അച്ഛനാകില്ലാ.പ്രസവിച്ചത് കൊണ്ടൊരിക്കലും അമ്മയും ആകുന്നില്ലാ.
ചെയ്യേണ്ട കർമ്മങ്ങൾ ചെയ്യേണ്ട സമയത്ത് ഇരുവരും ചെയ്യുക.അത് കണ്ട് വേണം മക്കൾ പഠിക്കാൻ.

Liju vazhappally