രാധാ ദുഃഖം

ദ്വാപരയുഗമല്ലന്നറിയുന്നു ഞാൻ കൃഷ്ണാ

കലിയുഗമെന്നൊരു ദുഃഖം മാത്രം 

ഗോവർദ്ധനഗിരിയില്ലാ,ഗോപികമാരില്ലാ 

യാദവ കുലമില്ലാ,യമുനാ തീരവും 

പീതാംബര ഹരേ കൃഷ്ണാ...

നിന്നോടക്കുഴൽ വിളി കേൾക്കുവാനായി

ഇനിയെത്ര ജന്മം ഞാൻ കാത്തിരിക്കും.

രാവേറെയായാലുറങ്ങാതെ ഞാൻ 

നിന്റെ ചാരത്തു വന്നിരിക്കും. 

അമ്പാടിക്കണ്ണാ നിൻ ലീലകൾ പാടുമ്പോൾ 

കള്ളച്ചിരിയോടെ നീ നോക്കി നില്ക്കും

കണ്ണിന് കൗതുകമാണെന്നും നീയെൻ 

കാർമുകിൽ വർണ്ണാ കമലനേത്രാ...  

പാടിയ പാട്ടുകൾ എല്ലാം നിനക്കായി 

വെണ്ണ തരാം കണ്ണാ..നീരാഞ്ജനം ചാർത്താം

നീല കാർവർണ്ണാ.. കണികാണണേ..

ഘനശ്യാമ  മോഹന സുന്ദര മുഖമെന്നും 

കണികാണുവാനെന്നും കനിവേകണേ..

ആനന്ദ നാളുകൾ നൽകി നീ കൃഷ്ണാ..

എങ്കിലും തീരാത്ത ദുഃഖം മാത്രം 

വിജനമാം വഴിയരികിൽ ഇന്നും 

വിരഹിണി രാധയായി ഞാൻ 

എങ്ങോ തനിച്ചാക്കി പോയൊരു ജന്മത്തെ 

ഇന്നും കാത്തിരിപ്പൂ.. ഇന്നും കാത്തിരിപ്പൂ..

...........Liju  vazhappally  ...........