അമ്മേ നിനക്കായി........

അമ്മയെ സ്നേഹിക്കുന്ന എല്ലാവർക്കും ഞാനീ കവിത സമർപ്പിക്കുന്നു.


പ്രണയമേ നിന്നെ മുഖം ചേർത്തു ഞാനിന്നു
പ്രമഥമീ മണ്ണിൽ  പിറന്നു
നിന്നധരത്തിലെ ചൂടും നിശ്വാസവും
ഇന്നെനിക്കമൃതായി ചുരന്നു
നിന്മന്ദഹാസത്തിൽ ചാലിച്ച വാക്കുകൾ
മധുവായി നുകർന്നു നീ നല്കി
പാതി പിത്രുത്തവും പാതി മാത്രുത്തവും
എന്നും വരമായി നീ നല്കി.
കാച്ചെണ്ണ തേച്ച്  കുളിപ്പിച്ചു നീ എന്റെ
പതിവുകൾ തെറ്റാതെ നോക്കി.
ഒക്കെതിരുത്തി കഥകൾ പറഞ്ഞും
മാനത്തെ മാമനെ കൂട്ടായി വിളിച്ചും
മമൂട്ടാനോടി നടന്നു എന്നെ.
രാവേറെയായാലുറങ്ങാതെ നീ എന്നെ
താരാട്ടു പാടിയുറക്കി.
ആദ്യമായി കൈപിടിച്ചറിവിന്റെ മുറ്റത്തും
പാഠങ്ങൾ ചൊല്ലി പഠിപ്പിച്ചതും,
അന്തിക്കൊരൂണുമായി ഉണ്ണാതെ നീ
എന്നെയും കാത്തിരുന്നു .  
അന്നൊരു നേരവും കത്തും വയറുമായി
ഞാനിരിക്കാതെ നീ കൂട്ടിരുന്നു.
ഇന്നറിയുന്നു ഞാൻ നിൻ വേദന
ഉണ്ണാതിരിക്കുമ്പോൾ ഉറങ്ങാതിരിക്കുമ്പോൾ.
താരാട്ടു പാടിയുറക്കുവാനാകില്ലാ.. ...
കണ്ണീരൊഴുക്കി കരയുന്ന നേരത്ത്
ഒക്കെത്തിരുത്തി നടക്കുവാനാകില്ലാ....
എന്നധരത്തിലെ  ചൂടും നിശ്വാസവും
അമൃതായി ചുരത്തുവാൻ ഇന്നെനിക്കവില്ലാ..
അമ്മേ ഇതെല്ലാം നിനക്കുമാത്രം
അമ്മേ ഇതെല്ലാം നിനക്കുമാത്രം.
അമ്മേ നിനക്കായി..എന്തു ഞാൻ നൽകും
നീ തന്നതൊക്കെ തിരിച്ചു നല്ക്കാൻ
ഈ ജന്മം ആകില്ല ഇനിയുമെന്റെ
ഇനിയൊരു ജന്മമുണ്ടെങ്കിൽ നീയെൻ
മകളായി ജനിക്കുക,
അന്നൊരമ്മയായി ഞാൻ നിന്നെ
താരാട്ടു പാടിയുറക്കാം...